Hiram na tagumpay

Hiram na tagumpay

Madaling sabihing Tagumpay! kung sa harap mismo natutupad ang mga pangyayari, sa likod nito ay di akalain na muntikan nang sumakabilang buhay ang may kagagawan. Simple lang at para bang walang nakakaalam na meron halaga ang kontrubusyon sa kapwa at sa mundong tinitirhan… Marami ang nakikinabang sa nagtagumpay na layunin kahit na ito ay hindi nalaan ng madla. Kahit pa sabihing walang kaugnayan ito sa mga gawaiin at kalakarin ng sinumang tumatamasa sa ginhawang ang pinagmulan ay ang pinaghirapan ng ilang nilalang na nasa tagong lupalop na di nasilayan ang sarap ng buhay ng manatili sa langit ng mayayaman. Ang hagdan na aapakan ay hindi nagsimula sa pangatlong baitang, tama na ito ay pinagpapaguran pero di batid na meron ding tinatapakan, may buhay man o wala ay di maitatanggi na minsan ba o maraming sandali na humihinga sa ibabaw at nasa ilalaim ang sa tingin ay mas mababa pa sa paa at talapakan. Ang tagumpay ay hindi pag-aari ng iisang anino lamang, ito ay nakamit dahil sa patak ng pawis na pumapatid sa uhaw ng kakulangan ng talentong nahihinog sa panahon kung kailan lamang kailangan. Utang sa dukha at manggagawa ang bawat masasayang araw ng magiginhawang kasalukuyan… hindi sumasapat ang awa na ililimos kung hindi lahat makikinabang! Namamana ang kapalaran pero sa kabila nito pwedeng labanan dahil ang sumpa ng kamalasan ay hindi naman araw-araw na nariyan. Mawala sana ang kamanhiran, magdalang habag sa kamadlaan. Imulat ang mata at marinig ang daing ng ng daigdig na may kapansanan. Tulungan ang mahihirap, hatian ng biyaya na dapat ay para sa lahat…

Tama lang na bayaran ang hiram!