Ang kamusmusan ay ang sandaling wala pang kamalayan
Na ang daigdig ay pantay at walang lumalamang
Na ang kalawakan ay ang paligid na nilalaruan
Ang kamusmusan ay ang sandali na nasa panaginip
Na ang lahat sa paligid ay pawang lumulutang
Na ang bawat isa ay magkakaibigan
Ang kamusmusan ay ang sandaling ang buhay ay puno ng kulay
Na ang lumbay ay hindi kailanman kakaway
Na ang bawat labi ay may hatid na saya at ngiti habangbuhay
Ang kamusmusan ay ang mga sandaling dalisay ang pag-ibig
Na walang alalahanin saan man sa paligid
Kung saan ang kapayapaan ang naghaharing batid
Ang kamusmusan ko ay malaon nang naglaho
Luha sa mga mata patuloy at hindi hihinto-
Ala-ala sa isipan mga saya sa puso nakatimo.
Ngunit ang kamusmusan sa diwa ay hindi na maigugupo!!!
Hango sa “ My Childhood”
unknown author-Thanks
