May Amats ang Tagumpay
Nagsimula at wala pang kamalayan
Sa blanko at di masilayan
Maaninag man at di mapagmasdan
Mithiin sa kinabukasan ay patlang-patlang.
Gulanit pa ang hinagap na pumapalaot
Payak na saloobin at hindi masalimuot
Bahagya sa bahagyana madalang sumangkot
Pagtatalo-talo madaling makabagot.
Laksa-laksa ang napapanaginipan
Bumubulwak sa isip-isipan
Kaydami-daming kaparaanan
Nanunuksong ipagdiinan
Itinulak, ipinilt ng kaganapan
Lumusong, humarap sa karumihan
Pag-asang ahunin sa kaputikan
Ang kapwa mamamayan sa kabulukan
Umiisip sa maliliit
Lahat lahat na lumalapit
Madudungis na kapit-kapit
Bisig na kabit-kabit
Umaaklas noon dati pa?
Animoy tigib ng problema
Pero ngayona ay alsa-alsa
Sumisiwalat ang pag-asa
Pangkalahatan ngayon ikaw na nga
Tapos na ang pagbubunganga
Haharap, manunumpa sa madla
Mahirap, mayaman ba hahanga?
Ipagbunyi mo nga ang tagumpay
Sa api at maliit ba iniaaalay
Peligro sa sakit magbabantay
Saklolo sa gipit ibibigay
Wala na bang mangungulimbat
Sa gobyerno mo maaawat
Sakit na red tape maaampat
Ngayon at din a magluluwat
Alalahanin mo silang me-edad
Marami na saan kaya pumadpad
Karapatan ba nilay bibigyang habag
Pangangailangan iyong ilalapag
O sila namang musmos pa?
O ano ang para sa kanila?
Sapat na ba ang tamang edukasyon?
Sa Utak na maliit iyong ibabaon!
Igiya mo kami ng matuwid
Sa tamang daan ay ihatid
Pilipinas na nailigaw
Alisin mo sa magnanakaw…
Mga pinagkakakitaan
Opo mahalaga yan
Iyo sanang pagtuunan
Sa banyaga makalaban
Sa aming nasa ibang bayan
Isang araw mag-uuwian
Sana aming maabutan
Tahanang matutulugan
Kaming basura lang ang yaman
May dako ang hinahalukayan
Biyayang natatabunan
Makakamit kaya? Nang hindi narururihan…
Wag na sanang maulit ang bangkang papel
Kalilangang totoo ay lapis at papel
Pero wala sanang pumapapel
I am making an objection, I am making an appeal…
Ito’y ilan lamang
Daratnan mong kamalasan?
Kaya ba itong maibsan
Ngayon ito’y mawakasan?
Piliin mong mabuti ang pagtitiwala
Mag-uudyok at magpapanukala
Pangsarili ba ito, ito ba ay pang-madla
Bayan muna, bayan muna bago ang masisiba..
Baka gamitin ka ng kaibigan
Ikaw ang ipagsangkalan
Sa gawaing kabuktutan
Huwag payagang magpayagpagan
Suriin mo ang mga desisyon
Nakalipas na mali maging leksion
Wag papabor sa anti-constitution
Listen to POOR’s suggestion
Wag mo po kami biguin
Maganda po an gaming layunin
Sa iyo aming pong hiling
Kami ay paginhawain…
